tujh pe kya KHak ai zamin hota

tujh pe kyā ḳhaak ai zamīñ hotā

ham na hote to kuchh nahīñ hotā

na ye duniyā meñ shorisheñ hotīñ

aur na ye zauq-e-āñ-o-īñ hotā

zindagī naam hai taḌapne kā

jab sukūñ ho sukūñ nahīñ hotā

hashr sau baar rūnumā hotā

dil ko āñkhoñ pe gar yaqīñ hotā

kis qadar dil-navāz manzar hai

kaash barjā dil-e-hazīñ hotā

kuchh baḌī baat thī yadullāhī

tujh ko apne pe gar yaqīñ hotā

aage charche the jin kī bātoñ ke

un kā ab zikr tak nahīñ hotā

dil meñ aglī sī baat gar hotī

harf-e-nā-ḳhvāñda dil-nashīñ hotā

gardish-e-charḳh kah rahī hai bashīr

jazb-e-kāmil se kyā nahīñ hotā

tujh pe kya KHak ai zamin hota

hum na hote to kuchh nahin hota

na ye duniya mein shorishen hotin

aur na ye zauq-e-an-o-in hota

zindagi nam hai taDapne ka

jab sukun ho sukun nahin hota

hashr sau bar runuma hota

dil ko aankhon pe gar yaqin hota

kis qadar dil-nawaz manzar hai

kash barja dil-e-hazin hota

kuchh baDi baat thi yadullahi

tujh ko apne pe gar yaqin hota

aage charche the jin ki baaton ke

un ka ab zikr tak nahin hota

dil mein agli si baat gar hoti

harf-e-na-KHwanda dil-nashin hota

gardish-e-charKH kah rahi hai bashir

jazb-e-kaamil se kya nahin hota