tujh qad ki ada sarw-e-gulistan sin kahunga

tujh qad kī adā sarv-e-gulistāñ siiñ kahūñgā

jādū-e-nayan nargis-e-bustāñ siiñ kahūñgā

dekhā huuñ tire lab pe maiñ missī kī dhaḌī kuuñ

zulmāt pe jā chashma-e-haivāñ siiñ kahūñgā

mujh dil kī lagan tujh siiñ hai ai ḳhūbī-e-mahfil

parvāna naman sham-e-shabistāñ siiñ kahūñgā

paidā kiyā tujh shauq meñ dil vus.at-e-mashrab

yuuñ hālat-e-dil koh-o-bayābāñ siiñ kahūñgā

dekhā huuñ tujhe ḳhvāb munīñ ai parī-paikar

is ḳhvāb ke ta.iiñ jā ke sulaimāñ siiñ kahūñgā

ḳhanjar siiñ nayan ke dil-e-'yakrū' huā zaḳhmī

ab dil kī tapish ḳhāk-e-shahīdāñ siiñ kahūñgā

tujh qad ki ada sarw-e-gulistan sin kahunga

jadu-e-nayan nargis-e-bustan sin kahunga

dekha hun tere lab pe main missi ki dhaDi kun

zulmat pe ja chashma-e-haiwan sin kahunga

mujh dil ki lagan tujh sin hai ai KHubi-e-mahfil

parwana naman sham-e-shabistan sin kahunga

paida kiya tujh shauq mein dil wusat-e-mashrab

yun haalat-e-dil koh-o-bayaban sin kahunga

dekha hun tujhe KHwab munin ai pari-paikar

is KHwab ke tain ja ke sulaiman sin kahunga

KHanjar sin nayan ke dil-e-'yakru' hua zaKHmi

ab dil ki tapish KHak-e-shahidan sin kahunga