tujhse bichhaD ke samt-e-safar bhulne lage

Hasan Abbas Raza

tujhse bichhaD ke samt-e-safar bhulne lage

Hasan Abbas Raza

MORE BYHasan Abbas Raza

    tujh se bichhaḌ ke samt-e-safar bhūlne lage

    phir yuuñ huā ham apnā ghar bhūlne lage

    qurbat ke mausamoñ adā yaad rah ga.ī

    guzrī rafāqatoñ asar bhūlne lage

    azbar haiñ yuuñ to kūcha-e-jānāñ ke sab nishāñ

    lekin ham us rāhguzar bhūlne lage

    pahuñche the ham bhī shahr-e-tilismāt meñ magar

    vo ism jis se khulnā thā dar bhūlne lage

    ham gosha-gīr bhī the kisī mahr misāl

    ojhal hue udhar to udhar bhūlne lage

    jān-e-'hasan' ab is se ziyāda maiñ kyā kahūñ

    mar jā.ūñ terī yaad agar bhūlne lage

    tujh se bichhaD ke samt-e-safar bhulne lage

    phir yun hua hum apna hi ghar bhulne lage

    qurbat ke mausamon ki ada yaad rah gai

    guzri rafaqaton ka asar bhulne lage

    azbar hain yun to kucha-e-jaanan ke sab nishan

    lekin hum us ki rahguzar bhulne lage

    pahunche the hum bhi shahr-e-tilismat mein magar

    wo ism jis se khulna tha dar bhulne lage

    hum gosha-gir bhi the kisi mahr ki misal

    ojhal hue udhar to udhar bhulne lage

    jaan-e-'hasan' ab is se ziyaada main kya kahun

    mar jaun teri yaad agar bhulne lage

    Source :
    • Book : Need Musafir (Pg. 112)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY