tujhse do-chaar hoga jo koi rah jate

tujh se do-chār hogā jo koī raah jaate

phir 'umr chāhiyegī us ko bahāl aate

gar dil kī be-qarārī hotī yahī jo ab hai

to ham sitam-rasīda kaahe ko jiine paate

ve din ga.e ki uTh kar jaate the us galī meñ

ab sa'ī chāhiye hai bālīñ se sar uThāte

kab thī hameñ tamanna ai zo'f ye ki taḌpeñ

par zer-e-teġh us kī ham Tuk to sar hilāte

gar jānte ki yuuñ hī barbād jā.eñge to

kaahe ko ḳhaak meñ ham apne ta.iiñ milāte

shāyad ki ḳhuun dil kā pohñchā hai vaqt-e-āḳhir

tham jaate haiñ kuchh aañsū rātoñ ko aate aate

us samt ko palaTtī terī nigah to saaqī

hāl-e-ḳharāb-e-majlis ham shaiḳh ko dikhāte

jī denā dil-dahī se behtar thā sad-marātib

ai kaash jaan dete ham bhī na dil lagāte

shab kotah aur qissa un kā darāz varna

ahvāl-e-'mīr' sāhib ham tujh ko sab sunāte

tujh se do-chaar hoga jo koi rah jate

phir 'umr chahiyegi us ko bahaal aate

gar dil ki be-qarari hoti yahi jo ab hai

to hum sitam-rasida kahe ko jine pate

we din gae ki uTh kar jate the us gali mein

ab sa'i chahiye hai baalin se sar uThate

kab thi hamein tamanna ai zo'f ye ki taDpen

par zer-e-tegh us ki hum Tuk to sar hilate

gar jaante ki yun hi barbaad jaenge to

kahe ko KHak mein hum apne tain milate

shayad ki KHun dil ka pohncha hai waqt-e-aKHir

tham jate hain kuchh aansu raaton ko aate aate

us samt ko palaTti teri nigah to saqi

haal-e-KHarab-e-majlis hum shaiKH ko dikhate

ji dena dil-dahi se behtar tha sad-maraatib

ai kash jaan dete hum bhi na dil lagate

shab kotah aur qissa un ka daraaz warna

ahwal-e-'mir' sahib hum tujh ko sab sunate