tujhe bhi jaanchte apna bhi imtihan karte

Mazhar Imam

tujhe bhi jaanchte apna bhi imtihan karte

Mazhar Imam

MORE BYMazhar Imam

    tujhe bhī jāñchte apnā bhī imtihāñ karte

    kahīñ charāġh jalāte kahīñ dhuāñ karte

    ka.ī the jalva-e-nāyāb tujh se pahle bhī

    kis aasre pe tirā naqsh jāvedāñ karte

    safīna Duub rahā thā to kyuuñ na yaad aayā

    tirī talab tire armāñ ko bādbāñ karte

    mohabbateñ bhī tirī haiñ shikāyateñ bhī tirī

    yaqīn tujh pe na hotā to kyuuñ gumāñ karte

    havā thī tez jalāte rahe diloñ meñ charāġh

    kaTī hai umr lahū apnā rā.egāñ karte

    vo be-jhahat safar thā savād-e-shām na sub.h

    kahāñ pe rukte kahāñ yād-e-raftagāñ karte

    dayār-e-ḳhvāb meñ Thahre hisār-e-gul meñ rahe

    magar ye ġham rahā ḳhud ko shādmāñ karte

    tujhe bhi jaanchte apna bhi imtihan karte

    kahin charagh jalate kahin dhuan karte

    kai the jalwa-e-nayab tujh se pahle bhi

    kis aasre pe tera naqsh jawedan karte

    safina Dub raha tha to kyun na yaad aaya

    teri talab tere arman ko baadban karte

    mohabbaten bhi teri hain shikayaten bhi teri

    yaqin tujh pe na hota to kyun guman karte

    hawa thi tez jalate rahe dilon mein charagh

    kaTi hai umr lahu apna raegan karte

    wo be-jhahat ka safar tha sawad-e-sham na subh

    kahan pe rukte kahan yaad-e-raftagan karte

    dayar-e-KHwab mein Thahre hisar-e-gul mein rahe

    magar ye gham hi raha KHud ko shadman karte

    Source
    • Book : paalkii kahkashaa.n (Pg. 99)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY