tujhe KHabar hai tujhe satata hun is bina par

tujhe ḳhabar hai tujhe satātā huuñ is binā par

tū boltā hai to haz uThātā huuñ is binā par

mirā lahū merī āstīñ par lagā huā hai

maiñ apnā qātil qarār paatā huuñ is binā par

kabhī kabhī haal ke haqā.eq mujhe satā.eñ

maiñ apne maazī meñ rahne jaatā huuñ is binā par

vo apnī āñkhoñ se dekh kar merā ilm parkheñ

maiñ apne bachchoñ ko sab batātā huuñ is binā par

use banāyā hai maiñ ne ye kam nahīñ kisī se

charāġh sūraj ko maiñ dikhātā huuñ is binā har

vo us meñ rahtā hai apnā kirdār DhūñDhtā hai

maiñ har kahānī use sunātā huuñ is binā par

mujhe ḳhabar hai vo sar tā-pā shā.irī hai 'taimūr'

ġhazal kā hissa use banātā huuñ is binā par

tujhe KHabar hai tujhe satata hun is bina par

tu bolta hai to haz uThata hun is bina par

mera lahu meri aastin par laga hua hai

main apna qatil qarar pata hun is bina par

kabhi kabhi haal ke haqaeq mujhe sataen

main apne mazi mein rahne jata hun is bina par

wo apni aankhon se dekh kar mera ilm parkhen

main apne bachchon ko sab batata hun is bina par

use banaya hai main ne ye kam nahin kisi se

charagh suraj ko main dikhata hun is bina har

wo us mein rahta hai apna kirdar DhunDhta hai

main har kahani use sunata hun is bina par

mujhe KHabar hai wo sar ta-pa shairi hai 'taimur'

ghazal ka hissa use banata hun is bina par