tujhe KHabar nahin hum par dabao Dale gae

tujhe ḳhabar nahīñ ham par dabāo Daale ga.e

ki tere shahr se nikle nahīñ nikāle ga.e

hue haiñ rusvā hī lekin bahut maza aaya

zabāñ zabāñ tirī bastī meñ ham uchhāle ga.e

abhī abhī yahāñ bāñTī ga.ī hai rāhat-e-jāñ

abhī abhī yahāñ sīnoñ se dil nikāle ga.e

abhī abhī to tirī justujū ko tark kiyā

abhī abhī to mirī eḌiyoñ ke chhāle ga.e

abhī abhī to qayāmat se āshnā hue ham

abhī abhī to kū-e-yār se nikāle ga.e

tujhe KHabar nahin hum par dabao Dale gae

ki tere shahr se nikle nahin nikale gae

hue hain ruswa hi lekin bahut maza aaya

zaban zaban teri basti mein hum uchhaale gae

abhi abhi yahan banTi gai hai rahat-e-jaan

abhi abhi yahan sinon se dil nikale gae

abhi abhi to teri justuju ko tark kiya

abhi abhi to meri eDiyon ke chhaale gae

abhi abhi to qayamat se aashna hue hum

abhi abhi to ku-e-yar se nikale gae