tulu-e-subh se kab kab zawal-e-shab se hua

tulū-e-sub.h se kab kab zavāl-e-shab se huā

jahāñ meñ nuur faqat barq-e-nutq-o-lab se huā

judā judā the bahut nek-nām ham donoñ

malāmatoñ kā hadaf haiñ milāp jab se huā

mile ho tum to huī qadr dil ko lamhoñ kī

guzar chukī hai bahut par hisāb ab se huā

har ek chāhne vaalā banā hai ḳhusrav-e-ġham

dayār-e-ishq meñ ye inqalāb kab se huā

lahū kī dhaar ko samjhe haqīr ḳhanjar se

zavāl sāhab-e-jānāñ isī sabab se huā

kisī adā ko sitam kah diyā kisī ko karam

ye iḳhtiyār dil-e-zār tum ko kab se huā

sajī haiñ dil meñ tumhāre karam kī tasvīreñ

idhar se ġham kā guzar bhī baḌe adab se huā

tulu-e-subh se kab kab zawal-e-shab se hua

jahan mein nur faqat barq-e-nutq-o-lab se hua

juda juda the bahut nek-nam hum donon

malamaton ka hadaf hain milap jab se hua

mile ho tum to hui qadr dil ko lamhon ki

guzar chuki hai bahut par hisab ab se hua

har ek chahne wala bana hai KHusraw-e-gham

dayar-e-ishq mein ye inqalab kab se hua

lahu ki dhaar ko samjhe haqir KHanjar se

zawal sahab-e-jaanan isi sabab se hua

kisi ada ko sitam kah diya kisi ko karam

ye iKHtiyar dil-e-zar tum ko kab se hua

saji hain dil mein tumhaare karam ki taswiren

idhar se gham ka guzar bhi baDe adab se hua