tum aaoge numaish-e-saman dekh kar
tum aaoge numā.ish-e-sāmān dekh kar
kyoñ kārobār chhoḌ duuñ nuqsān dekh kar
naḳhre uThā rahī huuñ tumhārī talāsh ke
ruktī nahīñ huuñ rāstā vīrān dekh kar
sochā nahīñ thā maiñ ne kabhī tere jaisā shaḳhs
muñh pher legā mujh ko pareshān dekh kar
vo terā lams vo tirī bāhoñ kī ḳhushbueñ
lauTī huuñ jaise koī gulistān dekh kar
tū laakh bevafā hai magar sar uThā ke chal
dil ro paḌegā tujh ko pashemān dekh kar
jo kho gayā thā phir se kisī moḌ par milā
hairān ho gayā mujhe hairān dekh kar
zāhir na ho ki mujh se tirā vāsta bhī hai
sab kī nazar hai tujh pe mirī jaan dekh kar
tum aaoge numaish-e-saman dekh kar
kyon karobar chhoD dun nuqsan dekh kar
naKHre uTha rahi hun tumhaari talash ke
rukti nahin hun rasta viran dekh kar
socha nahin tha main ne kabhi tere jaisa shaKHs
munh pher lega mujh ko pareshan dekh kar
wo tera lams wo teri bahon ki KHushbuen
lauTi hun jaise koi gulistan dekh kar
tu lakh bewafa hai magar sar uTha ke chal
dil ro paDega tujh ko pasheman dekh kar
jo kho gaya tha phir se kisi moD par mila
hairan ho gaya mujhe hairan dekh kar
zahir na ho ki mujh se tera wasta bhi hai
sab ki nazar hai tujh pe meri jaan dekh kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
