tum ahl-e-dil ho so dil mein rakha hamara nam

tum ahl-e-dil ho so dil meñ rakhā hamārā naam

vagarna ham bhī haiñ kyā aur kyā hamārā naam

har ek shaḳhs ke siine meñ ham dhaḌakte haiñ

sabhī ke hoñToñ pe hai jā-ba-jā hamārā naam

tamām umr ka.ī lafz chaak par ghūme

tab ek arse meñ jā kar banā hamārā naam

tumhāre kānoñ kī Dhaltī huī guphāoñ meñ

ba-rañg-e-raushnī paḌtā huā hamārā naam

sadā kuchh aur hī aa.ī thī us kī jānib se

hameñ lagā thā ki us ne liyā hamārā naam

ḳhamoshiyoñ ke badan par sadā.eñ likhnī thiiñ

ajiib shaḳhs thā likhne lagā hamārā naam

phir us ko sun ke bahut der tak sabhī ro.e

koī kahānī thī āḳhir meñ thā hamārā naam

tum ahl-e-dil ho so dil mein rakha hamara nam

wagarna hum bhi hain kya aur kya hamara nam

har ek shaKHs ke sine mein hum dhaDakte hain

sabhi ke honTon pe hai ja-ba-ja hamara nam

tamam umr kai lafz chaak par ghume

tab ek arse mein ja kar bana hamara nam

tumhaare kanon ki Dhalti hui guphaon mein

ba-rang-e-raushni paDta hua hamara nam

sada kuchh aur hi aai thi us ki jaanib se

hamein laga tha ki us ne liya hamara nam

KHamoshiyon ke badan par sadaen likhni thin

ajib shaKHs tha likhne laga hamara nam

phir us ko sun ke bahut der tak sabhi roe

koi kahani thi aaKHir mein tha hamara nam