tum apne mariz-e-gham-e-hijran ki KHabar lo
tum apne marīz-e-ġham-e-hijrāñ kī ḳhabar lo
sauñpā hai agar dard to darmāñ kī ḳhabar lo
hañste ho abas hāl-e-pareshāñ pe hamāre
apnī to zarā zulf-e-pareshāñ kī ḳhabar lo
yuuñ aur mujhe ḳhalq meñ bad-nām karoge
bas hosh sambhālo bhī garebāñ kī ḳhabar lo
kis kaam ye aa.egī masīhā.ī tumhārī
ehsān karo āshiq-e-be-jāñ kī ḳhabar lo
phaile hue surme ko to rūmāl se pūchho
kyā vaz.a hai ye nargis-e-fatāñ kī ḳhabar lo
kahtā hai yahī tum se 'shu.ūr'-e-jigar-afgār
sauñpā hai agar dard to darmāñ kī ḳhabar lo
tum apne mariz-e-gham-e-hijran ki KHabar lo
saunpa hai agar dard to darman ki KHabar lo
hanste ho abas haal-e-pareshan pe hamare
apni to zara zulf-e-pareshan ki KHabar lo
yun aur mujhe KHalq mein bad-nam karoge
bas hosh sambhaalo bhi gareban ki KHabar lo
kis kaam ye aaegi masihai tumhaari
ehsan karo aashiq-e-be-jaan ki KHabar lo
phaile hue surme ko to rumal se puchho
kya waza hai ye nargis-e-fatan ki KHabar lo
kahta hai yahi tum se 'shuur'-e-jigar-afgar
saunpa hai agar dard to darman ki KHabar lo
Source:
Intekhab-e-kalam Shuur Bilgiramii (Pg. 77)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
