tum bin waqt ye kaisa guzra
tum bin vaqt ye kaisā guzrā
ashkoñ kā ik dariyā guzrā
merā hī ghar bhuul gayā thā
bādal qarya qarya guzrā
kaaT gayā thā ziist kā dhārā
kahne ko ik lamha guzrā
chīḳh thī dil kī lai meñ Dhal kar
jaise koī naġhma guzrā
ḳhuun hai jin āñkhoñ se jaarī
un meñ bhī ik sapnā guzrā
ḳhush rahne kā ḳhaak jatan ho
dil par bhārī sadma guzrā
roz hī log bichhaḌ jaate haiñ
aah magar ik apnā guzrā
jān-e-mahfil thā jo kabhī vo
kaisā tanhā tanhā guzrā
tum bin waqt ye kaisa guzra
ashkon ka ek dariya guzra
mera hi ghar bhul gaya tha
baadal qarya qarya guzra
kaT gaya tha zist ka dhaara
kahne ko ek lamha guzra
chiKH thi dil ki lai mein Dhal kar
jaise koi naghma guzra
KHun hai jin aankhon se jari
un mein bhi ek sapna guzra
KHush rahne ka KHak jatan ho
dil par bhaari sadma guzra
roz hi log bichhaD jate hain
aah magar ek apna guzra
jaan-e-mahfil tha jo kabhi wo
kaisa tanha tanha guzra
Source:
Shakh-e-gazal (Pg. 86)
- Author: Mah-e-talat Zahidi
-
- Edition: 2004
- Publisher: Baikan Books Gulgisht Multan, Kitab nagar Hassan
- Year of Publication: 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
