tum hamare ho hum tumhaare hain
tum hamāre ho ham tumhāre haiñ
jaise dariyā ke do kināre haiñ
rūThe rūThe se sab nazāre haiñ
ik hamīñ haiñ jo ġham ke maare haiñ
vo milāte nahīñ nazar ham se
aur kahte haiñ ham tumhāre haiñ
hausla hai hamāre dil meñ abhī
ham kahāñ zindagī se haare haiñ
kyā batā.eñ ki terī furqat meñ
kis tarah ham ne din guzāre haiñ
us ko merī kamī satā.e kyuuñ
jis ke dāman meñ chāñd taare haiñ
ham ko 'afzal' hai aasrā us kā
kaise kah deñ ki be-sahāre haiñ
tum hamare ho hum tumhaare hain
jaise dariya ke do kinare hain
ruThe ruThe se sab nazare hain
ek hamin hain jo gham ke mare hain
wo milate nahin nazar hum se
aur kahte hain hum tumhaare hain
hausla hai hamare dil mein abhi
hum kahan zindagi se haare hain
kya bataen ki teri furqat mein
kis tarah hum ne din guzare hain
us ko meri kami satae kyun
jis ke daman mein chand tare hain
hum ko 'afzal' hai aasra us ka
kaise kah den ki be-sahaare hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
