tum har ek rang mein ai yar nazar aate ho

Wazir Ali Saba Lakhnavi

tum har ek rang mein ai yar nazar aate ho

Wazir Ali Saba Lakhnavi

MORE BYWazir Ali Saba Lakhnavi

    tum har ik rañg meñ ai yaar nazar aate ho

    kahīñ gul aur kahīñ ḳhaar nazar aate ho

    qābil-e-dīd tum ai yaar nazar aate ho

    chashm-e-bad-dūr trahdār nazar aate ho

    sūrateñ karte ho ai jaan hazāroñ paidā

    tum na.ī shakl se har baar nazar aate ho

    bhuul jaatā huuñ maiñ furqat ke gile aur shikve

    shukr kartā huuñ jab ai yaar nazar aate ho

    aa.ina dekhne ko jab nahīñ miltā tum ko

    apnī tum tishna dīdār nazar aate ho

    kahte ho ham nahīñ karte haiñ koī farmā.ish

    jaan tak lene ko tayyār nazar aate ho

    ḳhuuñ kisī āshiq-e-kushta chaḌhā hai sar par

    rañg laa.e hue ai yaar nazar aate ho

    band ho jaa.eñ na raste kahīñ dīvānoñ se

    baal khole sar-e-bāzār nazar aate ho

    rahtī haiñ aaTh pahar aap ko kañghī choTī

    apnī zulfoñ meñ giraftār nazar aate ho

    ḳhauf se burj meñ jallād-e-falak chhuptā hai

    tum jo bāñdhe hue talvār nazar aate ho

    sumbulistāñ haiñ mirī jaan sarāsar zulfeñ

    ruḳh-e-gul-rañg se gulzār nazar aate ho

    aabrū husn daulat se milī hai tum ko

    rañg kundan hai zardār nazar aate ho

    kyā hai be-yār khaTakte ho mirī āñkhoñ meñ

    ai gulo baaġh meñ tum ḳhaar nazar aate ho

    shaan hai gesuoñ se aap meñ sardārī

    sabza-e-ḳhat se numūdār nazar aate ho

    aise ma.ashūq zamāne meñ kahāñ milte haiñ

    pyaar karne ke sazā-vār nazar aate ho

    dono gesū pa.e āshiq haiñ kamandeñ dohrī

    pech meñ lāoge ayyār nazar aate ho

    tap-e-ulfat meñ 'sabā' hai ye tumhārā darja

    diq ke āsār haiñ bīmār nazar aate ho

    tum har ek rang mein ai yar nazar aate ho

    kahin gul aur kahin KHar nazar aate ho

    qabil-e-did tum ai yar nazar aate ho

    chashm-e-bad-dur trahdar nazar aate ho

    suraten karte ho ai jaan hazaron paida

    tum nai shakl se har bar nazar aate ho

    bhul jata hun main furqat ke gile aur shikwe

    shukr karta hun jab ai yar nazar aate ho

    aaina dekhne ko jab nahin milta tum ko

    apni tum tishna didar nazar aate ho

    kahte ho hum nahin karte hain koi farmaish

    jaan tak lene ko tayyar nazar aate ho

    KHun kisi aashiq-e-kushta ka chaDha hai sar par

    rang lae hue ai yar nazar aate ho

    band ho jaen na raste kahin diwanon se

    baal khole sar-e-bazar nazar aate ho

    rahti hain aaTh pahar aap ko kanghi choTi

    apni zulfon mein giraftar nazar aate ho

    KHauf se burj mein jallad-e-falak chhupta hai

    tum jo bandhe hue talwar nazar aate ho

    sumbulistan hain meri jaan sarasar zulfen

    ruKH-e-gul-rang se gulzar nazar aate ho

    aabru husn ki daulat se mili hai tum ko

    rang kundan sa hai zardar nazar aate ho

    kya hai be-yar khaTakte ho meri aankhon mein

    ai gulo bagh mein tum KHar nazar aate ho

    shan hai gesuon se aap mein sardari ki

    sabza-e-KHat se numudar nazar aate ho

    aise mashuq zamane mein kahan milte hain

    pyar karne ke saza-war nazar aate ho

    dono gesu pae aashiq hain kamanden dohri

    pech mein laoge ayyar nazar aate ho

    tap-e-ulfat mein 'saba' hai ye tumhaara darja

    diq ke aasar hain bimar nazar aate ho

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now