tum ho meri prem-kahani ka kirdar

tum ho merī prem-kahānī kā kirdār

merī film meñ shoḳh javānī kā kirdār

terī fitrat mujh se mel nahīñ khātī

alag thalag hai aag se paanī kā kirdār

das das baar paḌhī hai maiñ ne mahā-bhārat

koī nahīñ hai karn sā daanī kā kirdār

kirdāroñ kī bhiiḌ hai shāmil is meñ par

maiñ huuñ raajā tū hai raanī kā kirdār

ye chaman-e-gul aur is meñ sab log haiñ phuul

tum ho jaise raat kī raanī kā kirdār

tere hone se hī merā honā hai

jaise badan meñ ḳhūn-o-pānī kā kirdār

tum ho meri prem-kahani ka kirdar

meri film mein shoKH jawani ka kirdar

teri fitrat mujh se mel nahin khati

alag thalag hai aag se pani ka kirdar

das das bar paDhi hai main ne maha-bhaarat

koi nahin hai karn sa dani ka kirdar

kirdaron ki bhiD hai shamil is mein par

main hun raja tu hai rani ka kirdar

ye chaman-e-gul aur is mein sab log hain phul

tum ho jaise raat ki rani ka kirdar

tere hone se hi mera hona hai

jaise badan mein KHun-o-pani ka kirdar