tum jo aaoge to mausam dusra ho jaega

Ali Ahmad Jalili

tum jo aaoge to mausam dusra ho jaega

Ali Ahmad Jalili

MORE BYAli Ahmad Jalili

    tum jo aaoge to mausam dūsrā ho jā.egā

    jhoñkā bhī chalegā to sabā ho jā.egā

    zindagī meñ qatl kar ke tujh ko niklā thā magar

    kyā ḳhabar thī phir tirā sāmnā ho jā.egā

    nafratoñ ne har taraf se gher rakkhā hai hameñ

    jab ye dīvāreñ gireñgī rāsta ho jā.egā

    āñdhiyoñ kaam chalnā hai ġharaz is se nahīñ

    peḌ par pattā rahegā judā ho jā.egā

    kyā ḳhabar thī ai amīr-e-shahr tere daur meñ

    saañs lenā jurm jiinā hādsa ho jā.egā

    aap paidā to kareñ dast-e-hunar phir dekhiye

    aap ke hāthoñ meñ patthar ā.īna ho jā.egā

    mere hoñToñ pe hañsī aa kar rahegī ai 'alī'

    ek din ye vāqi.a bhī dekhnā ho jā.egā

    tum jo aaoge to mausam dusra ho jaega

    lu ka jhonka bhi chalega to saba ho jaega

    zindagi mein qatl kar ke tujh ko nikla tha magar

    kya KHabar thi phir tera hi samna ho jaega

    nafraton ne har taraf se gher rakkha hai hamein

    jab ye diwaren girengi rasta ho jaega

    aandhiyon ka kaam chalna hai gharaz is se nahin

    peD par patta rahega ya juda ho jaega

    kya KHabar thi ai amir-e-shahr tere daur mein

    sans lena jurm jina hadsa ho jaega

    aap paida to karen dast-e-hunar phir dekhiye

    aap ke hathon mein patthar aaina ho jaega

    mere honTon pe hansi aa kar rahegi ai 'ali'

    ek din ye waqia bhi dekhna ho jaega

    Source :
    • Book : Karwaan-e-Ghazal (Pg. 269)
    • Author : arooq Argali
    • Publication : Farid Book Depot (Pvt.) Ltd (2004)
    • Edition : 2004
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY