tum jo daman zara bhigo lete

tum jo dāman zarā bhigo lete

ham bhī kuchh der khul ke ro lete

ik tirī yaad jo hamārī thī

ik tirā dard jo bichho lete

ālam-e-mastī-o-tarab meñ rahe

ḳhaak kī tīrgī meñ so lete

harf ḳhushbū ke rang meñ likhtī

phuul gajroñ meñ jo piro lete

nā-rasā.ī to ḳhair qismat thī

aur kyā bach gayā jo kho lete

kuuñj kar lā rahī thī sahrā meñ

āb-o-dāna vahāñ bhī bo lete

miT rahī huuñ rah-e-hazīmat meñ

apne hāthoñ se hī Dubo lete

raat kī shaal oḌh kar yuuñ ham

reg-e-rāh-e-ravāñ hī ho lete

saañs apnī mahak mahak jaatī

haath se phuul tere jo lete

tum jo daman zara bhigo lete

hum bhi kuchh der khul ke ro lete

ek teri yaad jo hamari thi

ek tera dard jo bichho lete

aalam-e-masti-o-tarab mein rahe

KHak ki tirgi mein so lete

harf KHushbu ke rang mein likhti

phul gajron mein jo piro lete

na-rasai to KHair qismat thi

aur kya bach gaya jo kho lete

kunj kar la rahi thi sahra mein

aab-o-dana wahan bhi bo lete

miT rahi hun rah-e-hazimat mein

apne hathon se hi Dubo lete

raat ki shaal oDh kar yun hum

reg-e-rah-e-rawan hi ho lete

sans apni mahak mahak jati

hath se phul tere jo lete