zindagi ki yahi kahani hai
zindagī kī yahī kahānī hai
saañs aanī hai aur jaanī hai
tum jo hote to baat kuchh hotī
ab ki bārish to sarf paanī hai
ik taraf us kī boltī āñkheñ
ik taraf merī be-zabānī hai
yuuñ hī sunte raheñ agar dil kī
yaad rakhiye ki jaan jaanī hai
dhuup lagtī hai bādalo jaisī
ye mohabbat kī sā.ebānī hai
bahtī jaatī huuñ ik samundar meñ
us kī yaado kī bādbānī hai
har taraf ḳhaar ḳhaar hai gulshan
bāġhbāñ ḳhuub bāġhbānī hai
āshnā huuñ maiñ ab sarāboñ se
maiñ ne sahrā kī ḳhaak chhānī hai
'chāñdnī' kī ghazal-vazal sāhab
us ke ḳhvāboñ kī tarjumānī hai
zindagi ki yahi kahani hai
sans aani hai aur jaani hai
tum jo hote to baat kuchh hoti
ab ki barish to sarf pani hai
ek taraf us ki bolti aankhen
ek taraf meri be-zabani hai
yun hi sunte rahen agar dil ki
yaad rakhiye ki jaan jaani hai
dhup lagti hai baadalo jaisi
ye mohabbat ki saebani hai
bahti jati hun ek samundar mein
us ki yaado ki baadbani hai
har taraf KHar KHar hai gulshan
baghban KHub baghbani hai
aashna hun main ab sarabon se
main ne sahra ki KHak chhani hai
'chandni' ki ghazal-wazal sahab
us ke KHwabon ki tarjumani hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
