tum jo puchho to bataun hai ye kaisi duniya

tum jo pūchho to batā.ūñ hai ye kaisī duniyā

ek-tarfa sā tamāsha hai ye saarī duniyā

ab to ḳhūñ-bār nazar aatā hai aalam saarā

kis qadar ab hai ujaḌtī huī pyārī duniyā

ab zamāne meñ hai barpā ye azāb-e-qudrat

hai dahāne pe khaḌī maut ke apnī duniyā

ek muddat se thā ābād mirā gulshan-e-dil

ab to vīrān hī vīrān hai merī duniyā

ḳhūbsūrat se manāzir haiñ nigāhoñ meñ ab

dekh āñkhoñ se mirī tū ye hamārī duniyā

hai ḳhalā aañkh samundar hai kushāda jaise

ek aañsū ke hī qatre meñ hai simTī duniyā

ab to parvāz kā dam rakhtā hai ye murġh-e-yās

ab qafas meñ hameñ kyā qaid karegī duniyā

ek markaz pe ravāñ gardish-e-daurāñ hai abhī

aur ik mehvar-e-mauhūm pe Thahrī duniyā

'qalb' mar kar bhī kahānī meñ rahegā zinda

ek duniyā se pare aur milegī duniyā

tum jo puchho to bataun hai ye kaisi duniya

ek-tarfa sa tamasha hai ye sari duniya

ab to KHun-bar nazar aata hai aalam sara

kis qadar ab hai ujaDti hui pyari duniya

ab zamane mein hai barpa ye azab-e-qudrat

hai dahane pe khaDi maut ke apni duniya

ek muddat se tha aabaad mera gulshan-e-dil

ab to viran hi viran hai meri duniya

KHubsurat se manazir hain nigahon mein ab

dekh aankhon se meri tu ye hamari duniya

hai KHala aankh samundar hai kushada jaise

ek aansu ke hi qatre mein hai simTi duniya

ab to parwaz ka dam rakhta hai ye murgh-e-yas

ab qafas mein hamein kya qaid karegi duniya

ek markaz pe rawan gardish-e-dauran hai abhi

aur ek mehwar-e-mauhum pe Thahri duniya

'qalb' mar kar bhi kahani mein rahega zinda

ek duniya se pare aur milegi duniya