tum kabhi aable pairon pe saja kar dekho

tum kabhī aable pairoñ pe sajā kar dekho

āgahī miltī hai sahrāoñ meñ jā kar dekho

arsa-e-ḳhvāb ke asrār khuleñge tum par

apnī āvāz meñ kuchh soz rachā kar dekho

shāḳh-dar-shāḳh qayāmat kā fuġhāñ uTThegā

phuul par baiThī huī titlī uḌā kar dekho

kis qadar hotā hai tārāj sukūn-e-gulshan

phuul se tū zarā titlī ko girā kar dekho

rad nahīñ hotī kabhī sunte yahī aa.e haiñ

chāñdnī raat meñ milne kī duā kar dekho

muntazir kaun khaḌā kaun paḌā hai dar par

tum laTaktī huī chilman ko haTā kar dekho

ban bhī saktā hai mohabbat kā fasāna 'ādil'

tum use rakhnā sadā dil meñ chhupā kar dekho

tum kabhi aable pairon pe saja kar dekho

aagahi milti hai sahraon mein ja kar dekho

arsa-e-KHwab ke asrar khulenge tum par

apni aawaz mein kuchh soz racha kar dekho

shaKH-dar-shaKH qayamat ka fughan uTThega

phul par baiThi hui titli uDa kar dekho

kis qadar hota hai taraj sukun-e-gulshan

phul se tu zara titli ko gira kar dekho

rad nahin hoti kabhi sunte yahi aae hain

chandni raat mein milne ki dua kar dekho

muntazir kaun khaDa kaun paDa hai dar par

tum laTakti hui chilman ko haTa kar dekho

ban bhi sakta hai mohabbat ka fasana 'adil'

tum use rakhna sada dil mein chhupa kar dekho