tum kabhi meri tarah barbaad ho kar dekhna

tum kabhī merī tarah barbād ho kar dekhnā

maiñ ne jo ik umr dekhā us ko pal bhar dekhnā

aañkh kī ḳhāmoshiyoñ meñ kitne tūfāñ haiñ chhupe

ek mauj-e-yād bas aur phir vo manzar dekhnā

saath the to jazboñ meñ ehsās-e-shiddat kuchh na thā

vaqt-e-ruḳhsat donoñ kā vo aañkh bhar bhar dekhnā

yuuñ to kuchh kamtar nahīñ hai har kisī ko chāhnā

dil kā sab asbāb lekin ik ko de kar dekhnā

āshnā nazreñ to kab kī ho ga.iiñ nā-āshnā

phir bhī aadat sī hai aate jaate vo ghar dekhnā

murda āñkheñ dekhne se baḌh ke vahshat-nāk hai

zinda āñkhoñ meñ kisī kī maut kā Dar dekhnā

tum kabhi meri tarah barbaad ho kar dekhna

main ne jo ek umr dekha us ko pal bhar dekhna

aankh ki KHamoshiyon mein kitne tufan hain chhupe

ek mauj-e-yaad bas aur phir wo manzar dekhna

sath the to jazbon mein ehsas-e-shiddat kuchh na tha

waqt-e-ruKHsat donon ka wo aankh bhar bhar dekhna

yun to kuchh kamtar nahin hai har kisi ko chahna

dil ka sab asbab lekin ek ko de kar dekhna

aashna nazren to kab ki ho gain na-ashna

phir bhi aadat si hai aate jate wo ghar dekhna

murda aankhen dekhne se baDh ke wahshat-nak hai

zinda aankhon mein kisi ki maut ka Dar dekhna