tum KHafa kya hue hayat gai

tum ḳhafā kyā hue hayāt ga.ī

jaan taskīn-e-kā.enāt ga.ī

jab se murjhā ga.ī hai dil kī kalī

raunaq-e-gulshan-e-hayāt ga.ī

sāqiyā sirf apne apnoñ par

bas tirī chashm-e-iltifāt ga.ī

haa.e be-chārgī-e-fikr-o-nazar

vo bhī tā-hadd-e-mumkināt ga.ī

ek aañsū kī tarjumānī se

azmat-e-ġham kī saarī baat ga.ī

dard-e-dil meñ huī hai jab se kamī

kyā kaheñ lazzat-e-hayāt ga.ī

ham hī ham the kabhī nigāhoñ meñ

ab kahāñ hai vo pahlī baat ga.ī

chain ab bhī kahāñ hai dil ko 'vaqār'

be-qarārī meñ saarī baat ga.ī

tum KHafa kya hue hayat gai

jaan taskin-e-kaenat gai

jab se murjha gai hai dil ki kali

raunaq-e-gulshan-e-hayat gai

saqiya sirf apne apnon par

bas teri chashm-e-iltifat gai

hae be-chaargi-e-fikr-o-nazar

wo bhi ta-hadd-e-mumkinat gai

ek aansu ki tarjumani se

azmat-e-gham ki sari baat gai

dard-e-dil mein hui hai jab se kami

kya kahen lazzat-e-hayat gai

hum hi hum the kabhi nigahon mein

ab kahan hai wo pahli baat gai

chain ab bhi kahan hai dil ko 'waqar'

be-qarari mein sari baat gai