tumko chaha tumko puja

tum ko chāhā tum ko puujā

kyā ye merā pāgal-pan thā

pal meñ tola pal meñ māshā

nādāñ ye duniyā hai duniyā

terā ho kar jiinā chāhā

maiñ bhī kitnā dīvāna thā

terā rutba arsh se ūñchā

tujh ko mujh se nisbat hī kyā

merī to hastī hī kyā thī

lekin tū ne kis ko baḳhshā

terā husn hai aalam aalam

merā ishq hai tanhā tanhā

o muñh pher ke jaane vaale

duniyā kyā sochegī sochā

qatre kī auqāt hī kyā hai

qatra qatra dariyā dariyā

kaun uThā terī mahfil se

kis kī umr kā sāġhar chhalkā

apnā apnā zauq-e-nazar hai

kis kā jalva kaisā pardā

terī izzat mahfil mahfil

maiñ shā.ir āvāra rusvā

maanā ḳhāk-basar huuñ phir bhī

yaad karoge yaad ā.ūñgā

ye jiinā bhī kyā jiinā hai

is jiine se marnā achchhā

duniyā kis ko raas aa.ī hai

kis ko raas aa.egī duniyā

ham ne sudh-budh kho dī 'āsī'

us ne is andāz se dekhā

tum ko chaha tum ko puja

kya ye mera pagal-pan tha

pal mein tola pal mein masha

nadan ye duniya hai duniya

tera ho kar jina chaha

main bhi kitna diwana tha

tera rutba arsh se uncha

tujh ko mujh se nisbat hi kya

meri to hasti hi kya thi

lekin tu ne kis ko baKHsha

tera husn hai aalam aalam

mera ishq hai tanha tanha

o munh pher ke jaane wale

duniya kya sochegi socha

qatre ki auqat hi kya hai

qatra qatra dariya dariya

kaun uTha teri mahfil se

kis ki umr ka saghar chhalka

apna apna zauq-e-nazar hai

kis ka jalwa kaisa parda

teri izzat mahfil mahfil

main shair aawara ruswa

mana KHak-basar hun phir bhi

yaad karoge yaad aaunga

ye jina bhi kya jina hai

is jine se marna achchha

duniya kis ko ras aai hai

kis ko ras aaegi duniya

hum ne sudh-budh kho di 'asi'

us ne is andaz se dekha