tum mile to yak-ba-yak har shai baDi achchhi lagi

tum mile to yak-ba-yak har shai baḌī achchhī lagī

aaj pahlī baar mujh ko zindagī achchhī lagī

jis kā dil TuuTā hai us se pūchhiye kaisā lagā

aap ko to ḳhair apnī dil-lagī achchhī lagī

aaj tevar hī judāgāna the apne yaar ke

narm lahja guftugū meñ 'ājizī achchhī lagī

soch meñ thā kis tarah tark-e-ta'alluq maiñ karūñ

'ain us mauqe' pe us kī be-ruḳhī achchhī lagī

shukriya hamrāh chalne kā mire ai jugnuo

ghup añdhere meñ tumhārī raushnī achchhī lagī

sard mausam meñ mirī āġhosh meñ vo sīm-tan

aur badan meñ raqs kartī thartharī achchhī lagī

chhup na paa.ī 'maz.har'-e-ḳhasta se dil kī kashmakash

lekin us zālim ko merī bebasī achchhī lagī

tum mile to yak-ba-yak har shai baDi achchhi lagi

aaj pahli bar mujh ko zindagi achchhi lagi

jis ka dil TuTa hai us se puchhiye kaisa laga

aap ko to KHair apni dil-lagi achchhi lagi

aaj tewar hi judagana the apne yar ke

narm lahja guftugu mein 'ajizi achchhi lagi

soch mein tha kis tarah tark-e-ta'alluq main karun

'ain us mauqe' pe us ki be-ruKHi achchhi lagi

shukriya hamrah chalne ka mere ai jugnuo

ghup andhere mein tumhaari raushni achchhi lagi

sard mausam mein meri aaghosh mein wo sim-tan

aur badan mein raqs karti tharthari achchhi lagi

chhup na pai 'mazhar'-e-KHasta se dil ki kashmakash

lekin us zalim ko meri bebasi achchhi lagi