tum mere pas raho jism ki garmi baKHsho

tum mire paas raho jism kī garmī baḳhsho

sard hai raat bahut ghar se na bāhar niklo

dūdhiyā chāñdnī bistar pe kahāñ se aa.ī

phir koī chāñd na niklā ho galī meñ dekho

sar pe kab kaun kahāñ sañg-e-malāmat maare

pārsāoñ se pare kalba-e-ahzāñ meñ raho

koī bhoñrā na kahīñ phuul kā ras pī jaa.e

apnī mad.hosh nigāhoñ ke darīche kholo

jaane kis manzil-e-be-nām kī jānib niklūñ

apnī tanhā.ī se Dartā huuñ mire saath raho

barf ik roz pahāḌoñ kī pighal jā.egī

sard-mehrī-e-zamāna kī shikāyat na karo

kitnī biitī huī sadiyoñ kī kahānī huuñ 'shamīm'

mere chehre kī ye bigḌī huī tahrīr paḌho

tum mere pas raho jism ki garmi baKHsho

sard hai raat bahut ghar se na bahar niklo

dudhiya chandni bistar pe kahan se aai

phir koi chand na nikla ho gali mein dekho

sar pe kab kaun kahan sang-e-malamat mare

parsaon se pare kalba-e-ahzan mein raho

koi bhonra na kahin phul ka ras pi jae

apni madhosh nigahon ke dariche kholo

jaane kis manzil-e-be-nam ki jaanib niklun

apni tanhai se Darta hun mere sath raho

barf ek roz pahaDon ki pighal jaegi

sard-mehri-e-zamana ki shikayat na karo

kitni biti hui sadiyon ki kahani hun 'shamim'

mere chehre ki ye bigDi hui tahrir paDho