tum muztarib nahin mere haal-e-tabah se

tum muztarib nahīñ mire hāl-e-tabāh se

dekho zarā nigāh milā kar nigāh se

dekhā to hogā tum ne hamārā maqām bhī

guzre kabhī to hoge mohabbat kī raah se

bazm-e-jahāñ meñ koī tajallī-e-dil-navāz

bach kar kabhī ga.ī na hamārī nigāh se

qaa.em hai ye jahāñ tirī ismat hī se magar

raunaq jahāñ kī hai mire zauq-e-gunāh se

vo dil rahīn-e-kashmakash-e-iztirāb-o-kaif

vo uzr-e-be-ruḳhī nigah-e-gāh-gāh se

sab kuchh hai aur kuchh nahīñ ai dād-ḳhvāh-e-ishq

vo dekh kar na dekhnā nīchī nigāh se

tum muztarib nahin mere haal-e-tabah se

dekho zara nigah mila kar nigah se

dekha to hoga tum ne hamara maqam bhi

guzre kabhi to hoge mohabbat ki rah se

bazm-e-jahan mein koi tajalli-e-dil-nawaz

bach kar kabhi gai na hamari nigah se

qaem hai ye jahan teri ismat hi se magar

raunaq jahan ki hai mere zauq-e-gunah se

wo dil rahin-e-kashmakash-e-iztirab-o-kaif

wo uzr-e-be-ruKHi nigah-e-gah-gah se

sab kuchh hai aur kuchh nahin ai dad-KHwah-e-ishq

wo dekh kar na dekhna nichi nigah se