tum na aaoge to kya ho jaega

Sabir Abuhari

tum na aaoge to kya ho jaega

Sabir Abuhari

MORE BYSabir Abuhari

    tum na aaoge to kyā ho jā.egā

    dard ḳhud baḌh kar davā ho jā.egā

    jo ḳhudī se āshnā ho jā.egā

    mahram-e-rāz-e-baqā ho jā.egā

    kyā pilāoge kisī suqrāt ko

    zahar to āb-e-baqā ho jā.egā

    ham kareñge jab navā-e-haq buland

    ik zamāna ham-navā ho jā.egā

    pārsā.ī dekhtī rah jā.egī

    bāb-e-rahmat ham pe ho jā.egā

    shauq-e-manzil shart hai ai rāh-rau

    zarra zarra rahnumā ho jā.egā

    bārgāh-e-husn par kar do nisār

    zindagī haq adā ho jā.egā

    naaz kyā hai zindagī ke saaz par

    ek din ye be-sadā ho jā.egā

    ham ne puujā thā kisī ko pyaar se

    kyā ḳhabar thī vo ḳhudā ho jā.egā

    iffat-e-qalb-o-nazar paidā to kar

    husn majbūr-e-vafā ho jā.egā

    kaam le 'sābir' sabr-o-shukr se

    us jo hogī razā ho jā.egā

    tum na aaoge to kya ho jaega

    dard KHud baDh kar dawa ho jaega

    jo KHudi se aashna ho jaega

    mahram-e-raaz-e-baqa ho jaega

    kya pilaoge kisi suqraat ko

    zahar to aab-e-baqa ho jaega

    hum karenge jab nawa-e-haq buland

    ek zamana ham-nawa ho jaega

    parsai dekhti rah jaegi

    bab-e-rahmat hum pe wa ho jaega

    shauq-e-manzil shart hai ai rah-rau

    zarra zarra rahnuma ho jaega

    bargah-e-husn par kar do nisar

    zindagi ka haq ada ho jaega

    naz kya hai zindagi ke saz par

    ek din ye be-sada ho jaega

    hum ne puja tha kisi ko pyar se

    kya KHabar thi wo KHuda ho jaega

    iffat-e-qalb-o-nazar paida to kar

    husn majbur-e-wafa ho jaega

    kaam le 'sabir' tu sabr-o-shukr se

    us ki jo hogi raza ho jaega

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY