tum nain ke donon paT mere liye wa rakhna
tum nain ke donoñ paT mere liye vā rakhnā
maiñ jald hī lauTūñgā darvāza khulā rakhnā
jo kahnā ho kah Daalo ho jā.egā jī halkā
jo baat hai kahne kī dil meñ use kyā rakhnā
hai zinda-dilī daulat sab ḳharch na kar denā
shāyad kabhī kaam aa.e thoḌī sī bachā rakhnā
halkī sī kamī karnā kal kamre kī zīnat meñ
tasvīr haTā denā aa.ina lagā rakhnā
sāmān-e-safar pyāre kyā saath na luuñ kyā luuñ
ik shab kā musāfir huuñ kyā chhoḌnā kyā rakhnā
qistoñ meñ 'nazīr' un se hāl-e-ġham-e-dil kahnā
kuchh aaj sunā denā kuchh kal pe uThā rakhnā
tum nain ke donon paT mere liye wa rakhna
main jald hi lauTunga darwaza khula rakhna
jo kahna ho kah Dalo ho jaega ji halka
jo baat hai kahne ki dil mein use kya rakhna
hai zinda-dili daulat sab KHarch na kar dena
shayad kabhi kaam aae thoDi si bacha rakhna
halki si kami karna kal kamre ki zinat mein
taswir haTa dena aaina laga rakhna
saman-e-safar pyare kya sath na lun kya lun
ek shab ka musafir hun kya chhoDna kya rakhna
qiston mein 'nazir' un se haal-e-gham-e-dil kahna
kuchh aaj suna dena kuchh kal pe uTha rakhna
Source:
Rooh-e-Ghazal,Pachas Sala Intekhab (Pg. 316)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
