tumne bhule se kabhi ye nahin socha hoga

Lais Quraishi

tumne bhule se kabhi ye nahin socha hoga

Lais Quraishi

MORE BYLais Quraishi

    tum ne bhūle se kabhī ye nahīñ sochā hogā

    ham jo bichhḌeñge to kyā haal hamārā hogā

    aa ga.e ho to ujālā hai mirī duniyā meñ

    jāoge tum to añdherā añdherā hogā

    ye na kahiye ki mirī aañkh se Tapkā aañsū

    chhoḌiye bhī koī TuuTā huā taarā hogā

    kyā ḳhabar thī tire shahr se pahle ai dost

    raat aa jā.egī aur raah meñ dariyā hogā

    ḳhvāb lab ḳhvāb jabīñ ḳhvāb adā ḳhvāb hayā

    itne ḳhvāboñ meñ koī ḳhvāb to sachchā hogā

    dil ke ā.īne meñ kar aks-e-tamannā na talāsh

    muqābil hai to hairat ke sivā kyā hogā

    paikar-e-ishq to farhād bhī thā majnūñ bhī

    aur vo shaḳhs ki ne jise chāhā hogā

    aaj to ḳhush huuñ bahut ḳhush huuñ bahut ḳhush huuñ

    is tasavvur meñ maiñ kaañp uThtā huuñ kal kyā hogā

    ek vo haiñ jinheñ ḳhalvat meñ bhī lutf-e-jalvat

    haa.e vo shaḳhs jo mahfil meñ bhī tanhā hogā

    fikr anjām-e-mohabbat hai tauhīn ai 'lais'

    vahī hogā mirī qismat meñ jo likkhā hogā

    tum ne bhule se kabhi ye nahin socha hoga

    hum jo bichhDenge to kya haal hamara hoga

    aa gae ho to ujala hai meri duniya mein

    jaoge tum to andhera hi andhera hoga

    ye na kahiye ki meri aankh se Tapka aansu

    chhoDiye bhi koi TuTa hua tara hoga

    kya KHabar thi ki tere shahr se pahle ai dost

    raat aa jaegi aur rah mein dariya hoga

    KHwab lab KHwab jabin KHwab ada KHwab haya

    itne KHwabon mein koi KHwab to sachcha hoga

    dil ke aaine mein kar aks-e-tamanna na talash

    tu muqabil hai to hairat ke siwa kya hoga

    paikar-e-ishq to farhad bhi tha majnun bhi

    aur wo shaKHs ki tu ne jise chaha hoga

    aaj to KHush hun bahut KHush hun bahut hi KHush hun

    is tasawwur mein main kanp uThta hun kal kya hoga

    ek wo hain jinhen KHalwat mein bhi lutf-e-jalwat

    hae wo shaKHs jo mahfil mein bhi tanha hoga

    fikr anjam-e-mohabbat ki hai tauhin ai 'lais'

    wahi hoga meri qismat mein jo likkha hoga

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY