tumne mujhko waqfa kah ke chhoD diya tha

tum ne mujh ko vaqfa kah ke chhoḌ diyā thā

maiñ ne bilkul nayā anāsir feel kiyā hai

ġhaur karo to ham ne bas shurūāt hī ki hai

abhī to bas apne hī jahāñ ko seal kiyā hai

'mīr' taqī ne maut ko vaqfa Thahrāyā aur

achchhī ḳhāsī ravāñ nadī ko jhiil kiyā hai

socho ham sab aur bhī kyā kyā kar sakte haiñ

ham ne seb ko duniyā meñ tabdīl kiyā hai

pahlī Thokar ke patthar ne raah badal dī

so ab ke ik chamak ko sang-e-mīl kiyā hai

tum ne mujh ko waqfa kah ke chhoD diya tha

main ne bilkul naya anasir feel kiya hai

ghaur karo to hum ne bas shuruat hi ki hai

abhi to bas apne hi jahan ko seal kiya hai

'mir' taqi ne maut ko waqfa Thahraya aur

achchhi KHasi rawan nadi ko jhil kiya hai

socho hum sab aur bhi kya kya kar sakte hain

hum ne seb ko duniya mein tabdil kiya hai

pahli Thokar ke patthar ne rah badal di

so ab ke ek chamak ko sang-e-mil kiya hai