tumne puchha hai to ahwal bata dete hain

tum ne pūchhā hai to ahvāl batā dete haiñ

varna chehre bhī mah-o-sāl batā dete haiñ

ruuh kā haal bhī ai kaash batā.e koī

dil kī hālat to ḳhad-o-ḳhāl batā dete haiñ

ab marāsim bhī bisātoñ pe saje mohre haiñ

kaun sī kis ne chalī chaal batā dete haiñ

kis meñ ab kitnī uḌānoñ kī sakat baaqī hai

har parinde ke par-o-bāl batā dete haiñ

dil ke ġhunche bhī the ma.asūm hamāre jaise

kis ke hāthoñ hue pāmāl batā dete haiñ

hākim-e-vaqt ko kis kis ne salāmī dī hai

kis kī taalī meñ hai sur-tāl batā dete haiñ

ghar kī dīvār se girte hue roġhan kī tarah

ab mirī umr mire baal batā dete haiñ

tum ne puchha hai to ahwal bata dete hain

warna chehre bhi mah-o-sal bata dete hain

ruh ka haal bhi ai kash batae koi

dil ki haalat to KHad-o-KHal bata dete hain

ab marasim bhi bisaton pe saje mohre hain

kaun si kis ne chali chaal bata dete hain

kis mein ab kitni uDanon ki sakat baqi hai

har parinde ke par-o-baal bata dete hain

dil ke ghunche bhi the masum hamare jaise

kis ke hathon hue pamal bata dete hain

hakim-e-waqt ko kis kis ne salami di hai

kis ki tali mein hai sur-tal bata dete hain

ghar ki diwar se girte hue roghan ki tarah

ab meri umr mere baal bata dete hain