tumne ye majra suna hai kya

tum ne ye mājrā sunā hai kyā

jo bhī honā hai ho chukā hai kyā

vo musāfir jo rāste meñ thā

manziloñ se guzar gayā hai kyā

koī hotā nahīñ hai aap ke saath

aap ke saath mas.ala hai kyā

ye jo tadbīr kar rahā huuñ maiñ

ye bhī taqdīr meñ likhā hai kyā

sochne vaalī baat hai 'imrān'

koī ye baat sochtā hai kyā

dil badal jaa.e ghar badal jaa.e

aadmī kā koī patā hai kyā

kyā hai ye mustatīl tanhā.ī

ye udāsī kā dā.era hai kyā

ġhaur se kaun dekhtā hai yahāñ

in charāġhoñ meñ jal rahā hai kyā

kyuuñ vo sar par savār hai 'imrān'

tere dil se utar gayā hai kyā

tum ne ye majra suna hai kya

jo bhi hona hai ho chuka hai kya

wo musafir jo raste mein tha

manzilon se guzar gaya hai kya

koi hota nahin hai aap ke sath

aap ke sath masala hai kya

ye jo tadbir kar raha hun main

ye bhi taqdir mein likha hai kya

sochne wali baat hai 'imran'

koi ye baat sochta hai kya

dil badal jae ghar badal jae

aadmi ka koi pata hai kya

kya hai ye mustatil tanhai

ye udasi ka daera hai kya

ghaur se kaun dekhta hai yahan

in charaghon mein jal raha hai kya

kyun wo sar par sawar hai 'imran'

tere dil se utar gaya hai kya