tum puchho aur main na bataun aise to haalat nahin

Qateel Shifai

tum puchho aur main na bataun aise to haalat nahin

Qateel Shifai

MORE BYQateel Shifai

    tum pūchho aur maiñ na batā.ūñ aise to hālāt nahīñ

    ek zarā dil TuuTā hai aur to koī baat nahīñ

    kis ko ḳhabar thī sāñvle bādal bin barse uḌ jaate haiñ

    sāvan aayā lekin apnī qismat meñ barsāt nahīñ

    TuuT gayā jab dil to phir ye saañs naġhma kyā ma.anī

    guuñj rahī hai kyuuñ shahnā.ī jab koī bārāt nahīñ

    ġham ke añdhiyāre meñ tujh ko apnā sāthī kyuuñ samjhūñ

    phir hai merā to saaya bhī mere saath nahīñ

    maanā jīvan meñ aurat ik baar mohabbat kartī hai

    lekin mujh ko ye to batā de kyā aurat zaat nahīñ

    ḳhatm huā merā fasāna ab ye aañsū poñchh bhī lo

    jis meñ koī taarā chamke aaj raat vo raat nahīñ

    mere ġhamgīñ hone par ahbāb haiñ yuuñ hairān 'qatīl'

    jaise maiñ patthar huuñ mere siine meñ jazbāt nahīñ

    tum puchho aur main na bataun aise to haalat nahin

    ek zara sa dil TuTa hai aur to koi baat nahin

    kis ko KHabar thi sanwle baadal bin barse uD jate hain

    sawan aaya lekin apni qismat mein barsat nahin

    TuT gaya jab dil to phir ye sans ka naghma kya mani

    gunj rahi hai kyun shahnai jab koi baraat nahin

    gham ke andhiyare mein tujh ko apna sathi kyun samjhun

    tu phir tu hai mera to saya bhi mere sath nahin

    mana jiwan mein aurat ek bar mohabbat karti hai

    lekin mujh ko ye to bata de kya tu aurat zat nahin

    KHatm hua mera fasana ab ye aansu ponchh bhi lo

    jis mein koi tara chamke aaj ki raat wo raat nahin

    mere ghamgin hone par ahbab hain yun hairan 'qatil'

    jaise main patthar hun mere sine mein jazbaat nahin

    Videos
    This video is playing from YouTube

    Videos
    This video is playing from YouTube

    Jagjit Singh

    Jagjit Singh

    Unknown

    Unknown

    Bhupinder Singh

    Bhupinder Singh

    Unknown

    Unknown

    Multiple

    Multiple

    Source :
    • Book : kalam-e-qateel shifai (Pg. 119)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY