tum sath to bahaar zamane ki talKHiyan

tum saath to bahār zamāne kī talḳhiyāñ

varna jigar ke paar zamāne kī talḳhiyāñ

jab tak tumhārā saath thā ai mere ham-safar

dekhī na ek baar zamāne kī talḳhiyāñ

jis din se mujh se ruuTh ga.e mere yaar tum

utrī jigar ke paar zamāne kī talḳhiyāñ

mā'sūm ban ke sahte raheñ ai mire ḳhudā

kab tak ye bāda-ḳhvār zamāne kī talḳhiyāñ

dar-asl baat ye hai jo tum tak na aa sakā

kartā phire shumār zamāne kī talḳhiyāñ

ye to karam hai un kā vagarna lipaTne ko

'āmir' haiñ be-qarār zamāne kī talḳhiyāñ

tum sath to bahaar zamane ki talKHiyan

warna jigar ke par zamane ki talKHiyan

jab tak tumhaara sath tha ai mere ham-safar

dekhi na ek bar zamane ki talKHiyan

jis din se mujh se ruTh gae mere yar tum

utri jigar ke par zamane ki talKHiyan

ma'sum ban ke sahte rahen ai mere KHuda

kab tak ye baada-KHwar zamane ki talKHiyan

dar-asl baat ye hai jo tum tak na aa saka

karta phire shumar zamane ki talKHiyan

ye to karam hai un ka wagarna lipaTne ko

'amir' hain be-qarar zamane ki talKHiyan