tum se bichhDe to koi KHwab na dekha humne

tum se bichhḌe to koī ḳhvāb na dekhā ham ne

rakh liyā āñkhoñ kā us din se hī roza ham ne

aaj ḳhush-hāl haiñ to donoñ alag rahte haiñ

jo burā vaqt thā vo saath guzārā ham ne

aañkh se Tuut gayā ḳhvāb kā rishta āḳhir

pā liyā jāgte rahne kā natīja ham ne

kyā himāqat hai ki bas ek anā kī ḳhātir

kar liyā tum se bichhaḌnā bhī gavāra ham ne

'ishq ke khel meñ aañsū hī mayassar hoñge

yaad to kiije ka.ī baar kahā thā ham ne

tum se bichhDe to koi KHwab na dekha hum ne

rakh liya aankhon ka us din se hi roza hum ne

aaj KHush-haal hain to donon alag rahte hain

jo bura waqt tha wo sath guzara hum ne

aankh se Tut gaya KHwab ka rishta aaKHir

pa liya jagte rahne ka natija hum ne

kya himaqat hai ki bas ek ana ki KHatir

kar liya tum se bichhaDna bhi gawara hum ne

'ishq ke khel mein aansu hi mayassar honge

yaad to kije kai bar kaha tha hum ne