tum se jab bichhDe to kitne rabte rakkhe gae

tum se jab bichhḌe to kitne rābte rakkhe ga.e

āhaToñ par kaan palkoñ par diye rakkhe ga.e

kashtī-e-jāñ dard kī lahroñ meñ sargardāñ rahī

dhaḌkanoñ ke saath an-miT vasvase rakkhe ga.e

apnī ḳhātir ḳhvāb vo rakkhe jo be-ta.abīr the

jāgte lamhe tumhāre vāste rakkhe ga.e

'aks rakhtā thā na apnī zaat meñ apnā koī

kitne chehre ā.inoñ ke sāmne rakkhe ga.e

kyā masāfat kī thakan se āshnā.ī kā fareb

lauT aane ke liye jab rāste rakkhe ga.e

us kī āñkhoñ ko diye manzar sitāroñ ke magar

merī bīnā.ī kī ḳhātir aable rakkhe ga.e

kyā ḳhabar thī ek jhoñkā le aḌegā āshiyāñ

joḌ kar tinke to 'at.har' aas ke rakkhe ga.e

tum se jab bichhDe to kitne rabte rakkhe gae

aahaTon par kan palkon par diye rakkhe gae

kashti-e-jaan dard ki lahron mein sargardan rahi

dhaDkanon ke sath an-miT waswase rakkhe gae

apni KHatir KHwab wo rakkhe jo be-tabir the

jagte lamhe tumhaare waste rakkhe gae

'aks rakhta tha na apni zat mein apna koi

kitne chehre aainon ke samne rakkhe gae

kya masafat ki thakan se aashnai ka fareb

lauT aane ke liye jab raste rakkhe gae

us ki aankhon ko diye manzar sitaron ke magar

meri binai ki KHatir aable rakkhe gae

kya KHabar thi ek jhonka le aDega aashiyan

joD kar tinke to 'athar' aas ke rakkhe gae