tum se mil kar KHushi si lagti hai

tum se mil kar ḳhushī sī lagtī hai

zindagī zindagī sī lagtī hai

tum jo aa.e ho aaj ghar mere

har taraf chāñdnī sī lagtī hai

kaise kah duuñ ki tum se pyaar nahīñ

shahr meñ khalbalī sī lagtī hai

paas se jab bhī tum guzartī ho

ek ḳhushbū bhalī sī lagtī hai

apne āñchal ko Thiik kar liije

ye havā manchalī sī lagtī hai

ye tumhārī nazar kā hai jaadū

har nazar mai-kashī sī lagtī hai

tum sarāpā ġhazal ho 'nāzim' kī

har adā shā.irī sī lagtī hai

tum se mil kar KHushi si lagti hai

zindagi zindagi si lagti hai

tum jo aae ho aaj ghar mere

har taraf chandni si lagti hai

kaise kah dun ki tum se pyar nahin

shahr mein khalbali si lagti hai

pas se jab bhi tum guzarti ho

ek KHushbu bhali si lagti hai

apne aanchal ko Thik kar lije

ye hawa manchali si lagti hai

ye tumhaari nazar ka hai jadu

har nazar mai-kashi si lagti hai

tum sarapa ghazal ho 'nazim' ki

har ada shairi si lagti hai