tum se to koi gila hum ko na tha ruk jate

tum se to koī gila ham ko na thā ruk jaate

rukne detī jo agar ham ko anā ruk jaate

achchhā chalte haiñ kahā ham ne to rasman us ne

muskurā kar ke faqat itnā kahā ruk jaate

thā safar ham pe musallat so hameñ chalnā thā

varna ye dil to ka.ī baar huā ruk jaate

un ko rokā nahīñ ye dukh to rahegā lekin

rokte bhī unheñ gar ham jo to kyā ruk jaate

kuchh na.e rang na.e ḳhvāb banā sakte the

ham udāsī ke safar meñ jo zarā ruk jaate

tum se to koi gila hum ko na tha ruk jate

rukne deti jo agar hum ko ana ruk jate

achchha chalte hain kaha hum ne to rasman us ne

muskura kar ke faqat itna kaha ruk jate

tha safar hum pe musallat so hamein chalna tha

warna ye dil to kai bar hua ruk jate

un ko roka nahin ye dukh to rahega lekin

rokte bhi unhen gar hum jo to kya ruk jate

kuchh nae rang nae KHwab bana sakte the

hum udasi ke safar mein jo zara ruk jate