tum sone chandi ki kan aur loha-lakkaD hum

tum sone chāñdī kī kaan aur lohā-lakkaḌ ham

tum vaj.h-e-ārā.ish-e-duniyā angaḌ-bangaḌ ham

tum niklo to phuul khileñ ham nikleñ to murjhā.eñ

tum bāġhoñ kī bād-e-bahārī lū ke jhakkaḌ ham

bāġh-e-bahisht ko Thokar maarī 'ishq kiyā bharpūr

havvā dekh vahī tere kal vaale phakkaḌ ham

ham haiñ kahāñ ke kyoñ aa.e haiñ karnā hai kyā kaam

duniyā ke bāzār meñ gum-sum mahā-bhulakkaḌ ham

hosh meñ aane mat denā varna mar jā.eñge

tum nashshe kā sar-chashma aur ek piyakkaḌ ham

ye 'ehsās' miyāñ andar se bilkul bachche haiñ

saath meñ un ke khel rahe haiñ akkaḌ-bakkaḌ ham

tum sone chandi ki kan aur loha-lakkaD hum

tum wajh-e-araish-e-duniya angaD-bangaD hum

tum niklo to phul khilen hum niklen to murjhaen

tum baghon ki baad-e-bahaari lu ke jhakkaD hum

bagh-e-bahisht ko Thokar mari 'ishq kiya bharpur

hawwa dekh wahi tere kal wale phakkaD hum

hum hain kahan ke kyon aae hain karna hai kya kaam

duniya ke bazar mein gum-sum maha-bhulakkaD hum

hosh mein aane mat dena warna mar jaenge

tum nashshe ka sar-chashma aur ek piyakkaD hum

ye 'ehsas' miyan andar se bilkul bachche hain

sath mein un ke khel rahe hain akkaD-bakkaD hum