tum watan chhoD ke ghar-bar kahan jaoge

tum vatan chhoḌ ke ghar-bār kahāñ jāoge

toḌ do vaqt kī dīvār kahāñ jāoge

mas.ala qaum kā hai aur qayādat nādāñ

saath gar chhoḌ de sardār kahāñ jāoge

shai-e-mafqūd hai DhūñDe se nahīñ miltā hai

āj-kal jazba-e-īsār kahāñ jāoge

chār-sū aag barastī hai zamīñ par dekho

phir barahna bhī haiñ ashjār kahāñ jāoge

sādgī se nahīñ paḌh pāoge ahvāl-e-junūñ

surḳh hai ḳhuun se aḳhbār kahāñ jāoge

kāġhazī naav hai dariyā kā talātum tauba

TuuT gar jaa.e to patvār kahāñ jāoge

pās-e-rishta nahīñ is dasht meñ 'sāqib' sāhib

na to apne haiñ na aġhyār kahāñ jāoge

tum watan chhoD ke ghar-bar kahan jaoge

toD do waqt ki diwar kahan jaoge

masala qaum ka hai aur qayaadat nadan

sath gar chhoD de sardar kahan jaoge

shai-e-mafqud hai DhunDe se nahin milta hai

aaj-kal jazba-e-isar kahan jaoge

chaar-su aag barasti hai zamin par dekho

phir barahna bhi hain ashjar kahan jaoge

sadgi se nahin paDh paoge ahwal-e-junun

surKH hai KHun se aKHbar kahan jaoge

kaghazi naw hai dariya ka talatum tauba

TuT gar jae to patwar kahan jaoge

pas-e-rishta nahin is dasht mein 'saqib' sahib

na to apne hain na aghyar kahan jaoge