tum yun hi samajhna ki fana mere liye hai

Mohammad Ali Jauhar

tum yun hi samajhna ki fana mere liye hai

Mohammad Ali Jauhar

MORE BY Mohammad Ali Jauhar

    tum yuuñ samajhnā ki fanā mere liye hai

    par ġhaib se sāmān-e-baqā mere liye hai

    paiġhām milā thā jo husain ibn-e-alī ko

    ḳhush huuñ vahī paiġhām-e-qazā mere liye hai

    ye hūr-e-bahishtī taraf se hai bulāvā

    labbaik ki maqtal silā mere liye hai

    kyuuñ jaan na duuñ ġham meñ tire jab ki abhī se

    mātam ye zamāne meñ bapā mere liye hai

    maiñ kho ke tirī raah meñ sab daulat-e-duniyā

    samjhā ki kuchh is se bhī sivā mere liye hai

    tauhīd to ye hai ki ḳhudā hashr meñ kah de

    ye banda zamāne se ḳhafā mere liye hai

    surḳhī meñ nahīñ dast-e-hinā-basta bhī kuchh kam

    par shoḳhi-e-ḳhūn-e-shohdā mere liye hai

    rāhil huuñ musalmān ba-sad-nāra-e-takbīr

    ye qāfila ye bāñg-e-darā mere liye hai

    in.aam uqbā ke to kyā pūchhnā lekin

    duniyā meñ bhī īmāñ silā mere liye hai

    kyuuñ aise nabī par na fidā huuñ ki jo farmā.e

    achchhe to sabhī ke haiñ burā mere liye hai

    ai shāfa-e-mahshar jo kare na shafā.at

    phir kaun vahāñ tere sivā mere liye hai

    allāh ke raste meñ maut aa.e masīhā

    iksīr yahī ek davā mere liye hai

    ai chāragaro chāragarī nahīñ hājat

    ye dard dāru-e-shifā mere liye hai

    kyā Dar hai jo ho saarī ḳhudā.ī bhī muḳhālif

    kaafī hai agar ek ḳhudā mere liye hai

    jo sohbat-e-aġhyār meñ is darja ho bebāk

    us shoḳh sab sharm o hayā mere liye hai

    hai zulm tirā aam bahut phir bhī sitamgar

    maḳhsūs ye andāz-e-jafā mere liye hai

    haiñ yuuñ to fidā abr-e-siyah par sab mai-kash

    par aaj ghanghor ghaTā mere liye hai

    tum yun hi samajhna ki fana mere liye hai

    par ghaib se saman-e-baqa mere liye hai

    paigham mila tha jo husain ibn-e-ali ko

    KHush hun wahi paigham-e-qaza mere liye hai

    ye hur-e-bahishti ki taraf se hai bulawa

    labbaik ki maqtal ka sila mere liye hai

    kyun jaan na dun gham mein tere jab ki abhi se

    matam ye zamane mein bapa mere liye hai

    main kho ke teri rah mein sab daulat-e-duniya

    samjha ki kuchh is se bhi siwa mere liye hai

    tauhid to ye hai ki KHuda hashr mein kah de

    ye banda zamane se KHafa mere liye hai

    surKHi mein nahin dast-e-hina-basta bhi kuchh kam

    par shoKHi-e-KHun-e-shohda mere liye hai

    rahil hun musalman ba-sad-nara-e-takbir

    ye qafila ye bang-e-dara mere liye hai

    inam ka uqba ke to kya puchhna lekin

    duniya mein bhi iman ka sila mere liye hai

    kyun aise nabi par na fida hun ki jo farmae

    achchhe to sabhi ke hain bura mere liye hai

    ai shafa-e-mahshar jo kare tu na shafaat

    phir kaun wahan tere siwa mere liye hai

    allah ke raste hi mein maut aae masiha

    iksir yahi ek dawa mere liye hai

    ai chaaragaro chaaragari ki nahin hajat

    ye dard hi daru-e-shifa mere liye hai

    kya Dar hai jo ho sari KHudai bhi muKHalif

    kafi hai agar ek KHuda mere liye hai

    jo sohbat-e-aghyar mein is darja ho bebak

    us shoKH ki sab sharm o haya mere liye hai

    hai zulm tera aam bahut phir bhi sitamgar

    maKHsus ye andaz-e-jafa mere liye hai

    hain yun to fida abr-e-siyah par sab hi mai-kash

    par aaj ki ghanghor ghaTa mere liye hai

    RECITATIONS

    Nomaan Shauque

    Nomaan Shauque

    Nomaan Shauque

    tum yun hi samajhna ki fana mere liye hai Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites