tumhaara husn hai yakta chalo main man leta hun
tumhārā husn hai yaktā chalo maiñ maan letā huuñ
koī tum sā nahīñ dekhā chalo maiñ maan letā huuñ
agar mere liye kahte na hargiz e'tibār aatā
vo auroñ ke liye royā chalo maiñ maan letā huuñ
mujhe ma.alūm hai va.ada-ḳhilāfī us kī fitrat hai
jo kahte ho nibhā.egā chalo maiñ maan letā huuñ
sunā hai vo bahut nādim huā apne ravayye par
mujhe Thukrā ke pachhtāyā chalo maiñ maan letā huuñ
jise maiñ ne kabhī chāhā thā apnī jaan se baḌh kar
vo merā ho nahīñ paayā chalo maiñ maan letā huuñ
yūñhī to shahr meñ hañgāma 'sāġhar' ho nahīñ saktā
vo nikle hoñge be-pardā chalo maiñ maan letā huuñ
tumhaara husn hai yakta chalo main man leta hun
koi tum sa nahin dekha chalo main man leta hun
agar mere liye kahte na hargiz e'tibar aata
wo auron ke liye roya chalo main man leta hun
mujhe malum hai wada-KHilafi us ki fitrat hai
jo kahte ho nibhaega chalo main man leta hun
suna hai wo bahut nadim hua apne rawayye par
mujhe Thukra ke pachhtaya chalo main man leta hun
jise main ne kabhi chaha tha apni jaan se baDh kar
wo mera ho nahin paya chalo main man leta hun
yunhi to shahr mein hangama 'saghar' ho nahin sakta
wo nikle honge be-parda chalo main man leta hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
