tumhaare bin guzara ho raha hai

tumhāre bin guzārā ho rahā hai

ḳhasāre par ḳhasāra ho rahā hai

bahut sochā bachā luuñ ḳhud ko lekin

udhar se phir ishāra ho rahā hai

shujā.at to shahādat māñgtī hai

par ab is se kinārā ho rahā hai

mujhe phir ishq ne āvāz dī hai

mujhe to ye dobāra ho rahā hai

adū ke saath us ko dekhtā huuñ

qayāmat kā nazāra ho rahā hai

zarā sī tū ne kyā ulfat dikhā.ī

tirā har ġham gavārā ho rahā hai

makīñ tum jab se is dil meñ huī ho

har ik shai se kinārā ho rahā hai

ye terā lams thā jis kī vajah se

ye merā dil sharāra ho rahā hai

tujhe āvāz de kar thak chukā huuñ

isī ḳhātir ġharāra ho rahā hai

tumhaare bin guzara ho raha hai

KHasare par KHasara ho raha hai

bahut socha bacha lun KHud ko lekin

udhar se phir ishaara ho raha hai

shujaat to shahadat mangti hai

par ab is se kinara ho raha hai

mujhe phir ishq ne aawaz di hai

mujhe to ye dobara ho raha hai

adu ke sath us ko dekhta hun

qayamat ka nazara ho raha hai

zara si tu ne kya ulfat dikhai

tera har gham gawara ho raha hai

makin tum jab se is dil mein hui ho

har ek shai se kinara ho raha hai

ye tera lams tha jis ki wajah se

ye mera dil sharara ho raha hai

tujhe aawaz de kar thak chuka hun

isi KHatir gharara ho raha hai