tumhaare chehre ki dilkashi se kali guman ki khili hui hai

tumhāre chehre kī dilkashī se kalī gumāñ kī khilī huī hai

tumhārī yādoñ kī bārishoñ se zamīn-e-hijrāñ dhulī huī hai

ye jāgne kī tumhārī aadat abhī talak hai vo pahle jaisī

tumhāre bistar kī ujlī chādar bhī silvaToñ se bharī huī hai

jo ho sake to koī nishānī bataur tohfa hī bhej denā

tumhārī bhejī huī vo tie pahan pahan kar phaTī huī hai

bichhaḌte lamhe chhupā ke sab se jo tum ne bistar pe pheñk dī thī

tumhārī tasvīr tāqche meñ abhī talak vo rakhī huī hai

tumhāre hote hue bhī dekho maiñ ḳhud ko tanhā samajh rahā huuñ

mujhe to lagtā hai ye judā.ī mire badan se silī huī hai

ye mere ahbāb pūchhte haiñ batāo un ko maiñ kyā kahūñ ab

ye kaun laḌkī tumhāre pahlū meñ saj sañvar kar khaḌī huī hai

vo kuchh dinoñ se kisī ke ġham meñ udaas chehra liye hue hai

qasam ḳhudā kī maiñ kyā batā.ūñ mirī to jaañ pe banī huī hai

ki chhoḌo 'dānish' kī baat chhoḌo mujhe sunāo ki kyā likhā hai

vo ḳhaak terī ġhazal sunegā use to apnī paḌī huī hai

tumhaare chehre ki dilkashi se kali guman ki khili hui hai

tumhaari yaadon ki barishon se zamin-e-hijran dhuli hui hai

ye jagne ki tumhaari aadat abhi talak hai wo pahle jaisi

tumhaare bistar ki ujli chadar bhi silwaTon se bhari hui hai

jo ho sake to koi nishani bataur tohfa hi bhej dena

tumhaari bheji hui wo tie pahan pahan kar phaTi hui hai

bichhaDte lamhe chhupa ke sab se jo tum ne bistar pe phenk di thi

tumhaari taswir taqche mein abhi talak wo rakhi hui hai

tumhaare hote hue bhi dekho main KHud ko tanha samajh raha hun

mujhe to lagta hai ye judai mere badan se sili hui hai

ye mere ahbab puchhte hain batao un ko main kya kahun ab

ye kaun laDki tumhaare pahlu mein saj sanwar kar khaDi hui hai

wo kuchh dinon se kisi ke gham mein udas chehra liye hue hai

qasam KHuda ki main kya bataun meri to jaan pe bani hui hai

ki chhoDo 'danish' ki baat chhoDo mujhe sunao ki kya likha hai

wo KHak teri ghazal sunega use to apni paDi hui hai