tumhaare chehre ki jo chamak hai

tumhāre chehre kī jo chamak hai

ye saat rañgoñ kī ik dhanak hai

tumhārī chūḌī kī jaise chhan-chhan

tumhāre lahje meñ vo khanak hai

subuk-ravī jaise bahtā paanī

tumhāre chalne meñ vo lachak hai

ġhazāl sī haiñ ye tumhārī āñkheñ

hayā bhī jin meñ palak palak hai

jahāñ rakho tum qadam zamīñ vo

mire liye to hasīñ falak hai

agarche bāteñ tumhārī shīrīñ

zarā sā lafzoñ meñ bas namak hai

tumheñ mohabbat agar hai mujh se

qubūl karne meñ kyoñ jhijak hai

ravāñ-davāñ hai tumhārī jānib

mire irādoñ kī jo saḌak hai

ye kaifiyat hai jo donoñ jānib

ye sho.ala-e-ishq kī lapak hai

hai ishq ke naam se jo mārūf

ye tajraba apnā mushtarak hai

hai biich apne agarche duurī

magar ye duurī visāl tak hai

ġhazal mirī tum jo paḌh rahī ho

vo shiddat-e-hijr kī kasak hai

tumhaare chehre ki jo chamak hai

ye sat rangon ki ek dhanak hai

tumhaari chuDi ki jaise chhan-chhan

tumhaare lahje mein wo khanak hai

subuk-rawi jaise bahta pani

tumhaare chalne mein wo lachak hai

ghazal si hain ye tumhaari aankhen

haya bhi jin mein palak palak hai

jahan rakho tum qadam zamin wo

mere liye to hasin falak hai

agarche baaten tumhaari shirin

zara sa lafzon mein bas namak hai

tumhein mohabbat agar hai mujh se

qubul karne mein kyon jhijak hai

rawan-dawan hai tumhaari jaanib

mere iradon ki jo saDak hai

ye kaifiyat hai jo donon jaanib

ye shoala-e-ishq ki lapak hai

hai ishq ke nam se jo maruf

ye tajraba apna mushtarak hai

hai bich apne agarche duri

magar ye duri visal tak hai

ghazal meri tum jo paDh rahi ho

wo shiddat-e-hijr ki kasak hai