tumhaare chehre pe dhyan aise Tika hua hai

tumhāre chehre pe dhyān aise Tikā huā hai

tamām samtoñ ko ek jānib rakhā huā hai

hare daraḳhtoñ se beleñ kaise lipaT rahī haiñ

zamīn par āsmān kaise jhukā huā hai

vo ek laḌkī jo mar rahī hai hayā ke maare

vo ek laḌkā jo dekhne par tulā huā hai

shab-e-visāl us kā surḳh āñchal musallā kar ke

badan-vazīfe kā vird jaarī rakhā huā hai

tū sirf vahshat ke dam pe dil-dasht meñ nā aanā

ye ism bhī rā.egāñ hai merā paḌhā huā hai

phir us ke ba.ad us ne merī āñkheñ bhī giilī kar diiñ

maiñ pūchh baiThā thā terī āñkhoñ ko kyā huā hai

ye vaqt-e-maġhrib se qabl kā āftāb 'sarmad'

ye us ke hāthoñ meñ kaise kaise lagā huā hai

tumhaare chehre pe dhyan aise Tika hua hai

tamam samton ko ek jaanib rakha hua hai

hare daraKHton se belen kaise lipaT rahi hain

zamin par aasman kaise jhuka hua hai

wo ek laDki jo mar rahi hai haya ke mare

wo ek laDka jo dekhne par tula hua hai

shab-e-visal us ka surKH aanchal musalla kar ke

badan-wazife ka wird jari rakha hua hai

tu sirf wahshat ke dam pe dil-dasht mein na aana

ye ism bhi raegan hai mera paDha hua hai

phir us ke baad us ne meri aankhen bhi gili kar din

main puchh baiTha tha teri aankhon ko kya hua hai

ye waqt-e-maghrib se qabl ka aaftab 'sarmad'

ye us ke hathon mein kaise kaise laga hua hai