tumhaari bazm mein mahrum-e-jam hum bhi the

tumhārī bazm meñ mahrūm-e-jām ham bhī the

faqat raqīb nahīñ tishna-kām ham bhī the

faqīh-e-shahr ne gumrāh kar diyā varna

sifat-shanās halāl-o-harām ham bhī the

amāma-band-o-qabā-poshgāñ kā zikr hī kyā

tire huzūr meñ bā-ehtirām ham bhī the

shikasta-pā.ī-e-mīr-e-safar kā kyā shikva

ki rāh-e-shauq meñ kuchh sust-e-gām ham bhī the

tirī jafāoñ ne āzād kar diyā varna

tirī adāoñ ke adnā ġhulām ham bhī the

nigāh-e-ḳhās ne yak-laḳht kar diyā zinda

vagarna kushta-e-dastūr-e-ām ham bhī the

tumhaari bazm mein mahrum-e-jam hum bhi the

faqat raqib nahin tishna-kaam hum bhi the

faqih-e-shahr ne gumrah kar diya warna

sifat-shanas halal-o-haram hum bhi the

amama-band-o-qaba-poshgan ka zikr hi kya

tere huzur mein ba-ehtiram hum bhi the

shikasta-pai-e-mir-e-safar ka kya shikwa

ki rah-e-shauq mein kuchh sust-e-gam hum bhi the

teri jafaon ne aazad kar diya warna

teri adaon ke adna ghulam hum bhi the

nigah-e-KHas ne yak-laKHt kar diya zinda

wagarna kushta-e-dastur-e-am hum bhi the