tumhaari chashm ne mujh sa na paya

tumhārī chashm ne mujh sā na paayā

diyā surma bhī aur chipkā na paayā

ḳhudā ko kyā kahūñ paayā na paayā

ki vasl-e-be-ḳhudī aslā na paayā

bahut sūrat ko maiñ tarsā na paayā

na paayā vo bahut tarsā na paayā

sahāb-e-tar ne bahr-e-ḳhushk sab ne

hamārā dīda-e-tar sā na paayā

chale ham dil jale is bazm se yaar

jale hāthoñ se ik beḌā na paayā

sadā sūraj ne din bhar us ko DhūñDā

kabhī vo chāñd kā TukḌā na paayā

bahut achchhā huā achchhī hai qismat

marīz-e-ishq ko achchhā na paayā

jo is gardan kā naqsha hai vo ham ne

surāhī-dār motī kā na paayā

durr-e-ashk-e-musalsal ai shah-e-ishq

tirī daulat se ye sehrā na paayā

bahut sīdhā banā.ūñgā falak ko

ki is kaj ko kabhī sīdhā na paayā

tumhaari chashm ne mujh sa na paya

diya surma bhi aur chipka na paya

KHuda ko kya kahun paya na paya

ki wasl-e-be-KHudi asla na paya

bahut surat ko main tarsa na paya

na paya wo bahut tarsa na paya

sahab-e-tar ne bahr-e-KHushk sab ne

hamara dida-e-tar sa na paya

chale hum dil jale is bazm se yar

jale hathon se ek beDa na paya

sada suraj ne din bhar us ko DhunDa

kabhi wo chand ka TukDa na paya

bahut achchha hua achchhi hai qismat

mariz-e-ishq ko achchha na paya

jo is gardan ka naqsha hai wo hum ne

surahi-dar moti ka na paya

durr-e-ashk-e-musalsal ai shah-e-ishq

teri daulat se ye sehra na paya

bahut sidha banaunga falak ko

ki is kaj ko kabhi sidha na paya