tumhaari yaad jab dil se mere lipTi ghazal kah di

Nirmal Nadeem

tumhaari yaad jab dil se mere lipTi ghazal kah di

Nirmal Nadeem

MORE BYNirmal Nadeem

    tumhārī yaad jab dil se mire lipTī ġhazal kah

    taḌap kar jab kabhī āh-o-fuġhāñ uTThī ġhazal kah

    shab-e-tanhā.ī detī hai jis ko naam ye duniyā

    mire siine pe jab aa kar kabhī baiThī ġhazal kah

    kahā jab giit to phir giit mazmūn le aayā

    kahīñ jab bhī ġhazal maiñ ne ġhazal jaisī ġhazal kah

    bikhar kar chāñdnī jab sahn meñ hañsne lagī mujh par

    ġhamoñ par ḳhaak Daalī aur maiñ ne bhī ġhazal kah

    kabhī jab Dagmagā.ī zindagī naav tūfāñ meñ

    adā-e-mauj par maiñ ne mohabbat ġhazal kah

    ka.ī aañsū mirī palkoñ se TuuTe be-zabānī meñ

    magar maiñ ne kabhī jab bhī zabāñ kholī ġhazal kah

    hazāroñ rañg duniyā ke sameTe sher meñ apne

    kabhī jab gulshan-e-dil se uḌī titlī ġhazal kah

    mujhe bhī be-nishāñ ho kar is duniyā se uThnā hai

    magar merī anā ne aaj phir koī ġhazal kah

    bahut ḳhāmosh thā dushman magar bolā to ye bolā

    are kyā baat hai nirmal-'nadīm' achchhī ġhazal kah

    tumhaari yaad jab dil se mere lipTi ghazal kah di

    taDap kar jab kabhi aah-o-fughan uTThi ghazal kah di

    shab-e-tanhai ka deti hai jis ko nam ye duniya

    mere sine pe jab aa kar kabhi baiThi ghazal kah di

    kaha jab git to phir git sa mazmun le aaya

    kahin jab bhi ghazal main ne ghazal jaisi ghazal kah di

    bikhar kar chandni jab sahn mein hansne lagi mujh par

    ghamon par KHak Dali aur main ne bhi ghazal kah di

    kabhi jab Dagmagai zindagi ki naw tufan mein

    ada-e-mauj par main ne mohabbat ki ghazal kah di

    kai aansu meri palkon se TuTe be-zabani mein

    magar main ne kabhi jab bhi zaban kholi ghazal kah di

    hazaron rang duniya ke sameTe sher mein apne

    kabhi jab gulshan-e-dil se uDi titli ghazal kah di

    mujhe bhi be-nishan ho kar hi is duniya se uThna hai

    magar meri ana ne aaj phir koi ghazal kah di

    bahut KHamosh tha dushman magar bola to ye bola

    are kya baat hai nirmal-'nadim' achchhi ghazal kah di

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY