tumhaari yaad mein kuchh is tarah thin nam aankhen

tumhārī yaad meñ kuchh is tarah thiiñ nam āñkheñ

tamām shab nahīñ kar paa.e band ham āñkheñ

hai intizār kisī kā is ehtimām ke saath

bichhā ke rakkhī haiñ ham ne qadam qadam āñkheñ

hasīñ hai yuuñ to bilā-shub.h aap kā paikar

hasīn-tar hai magar aap kī sanam āñkheñ

dukhāo dil ko magar ye bhī rakho pesh-e-nazar

sukūñ tumhārā uḌā deñgī merī nam āñkheñ

kashish ho itnī ki jī chāhe Duub jaane ko

dikhā.ī detī haiñ duniyā meñ aisī kam āñkheñ

tumhārī yaad se āḳhir shikast khā hī ga.iiñ

chhalak ke toḌ ga.iiñ zabt kā bharam āñkheñ

ajiib baat hai rahtī haiñ din meñ ḳhushk magar

chhalakne lagtī haiñ rātoñ meñ dam-ba-dam āñkheñ

ga.ī hai jab se tire saath raushnī in kī

barā.e naam haiñ chehre pe ai sanam āñkheñ

udaas udaas sā lagtā hai ek ik manzar

'shakīl' jab se huiiñ āshnā-e-ġham āñkheñ

tumhaari yaad mein kuchh is tarah thin nam aankhen

tamam shab nahin kar pae band hum aankhen

hai intizar kisi ka is ehtimam ke sath

bichha ke rakkhi hain hum ne qadam qadam aankhen

hasin hai yun to bila-shubh aap ka paikar

hasin-tar hai magar aap ki sanam aankhen

dukhao dil ko magar ye bhi rakho pesh-e-nazar

sukun tumhaara uDa dengi meri nam aankhen

kashish ho itni ki ji chahe Dub jaane ko

dikhai deti hain duniya mein aisi kam aankhen

tumhaari yaad se aaKHir shikast kha hi gain

chhalak ke toD gain zabt ka bharam aankhen

ajib baat hai rahti hain din mein KHushk magar

chhalakne lagti hain raaton mein dam-ba-dam aankhen

gai hai jab se tere sath raushni in ki

barae nam hain chehre pe ai sanam aankhen

udas udas sa lagta hai ek ek manzar

'shakil' jab se huin aashna-e-gham aankhen